Música

A POESÍA DAS IRMANDADES DA FALA.
ACCIÓN GALLEGA de RAMÓN CABANILLAS interpretada por NAO
 

EN PÉ de RAMÓN CABANILLAS interpretada por JUAN PARDO 


POBRIÑA DA TOLA de RAMÓN CABANILLAS por JUAN PARDO e AMANCIO PRADA

 

NA MORTE DE CASTELAO 

 Irmán Daniel!
Na praia de Rianxo
caían como bágoas as estrelas,
espallaban teus aies derradeiros
bruantes ventos das andinas serras,
e ondas galgantes, en cramor, chegadas
da pratense ribeira,
contaban no areeiro que te foras
da sereidade pola plan vereda…
o camiño que nunca se desanda,
o vieiro sin fin…

Na noite pecha
entréi pinal adiante, medoñento,
a ialma dun feitizo prisioneira.

Fungaban os ramallos un responso,
brilaba a frouma verdecente acesa,
en velorio de honra ó teu relembro.

 Ergueitas cara ó ceo as ponlas, era
cada pino un cruceiro,
labra xenial da túa man maiestra,
e aquel forte e lanzal, que tempos idos
escoitou a túa prácida conversa
co sabidor e xurdio

 Profundador de voces milagreiras,
inquiréu delorido, en desespero:
¿De qué morte morréu a nosa prenda?
Atravesóume o peito
un dór punxente e esguío de saieta
e díxenlle a verdade crú, tinguindo
cunha pinga de sangue cada verba:

 Morreu do mul dos bós
e xenerosos !
Morréu de amor á Terra!

Ningún comentario:

Publicar un comentario