15/12/16

O Apalpador (Por Tania Pose)


Achégase o Nadal e os nenos e nenas de Galiza esperan emocionados a chegada de Papá Noel e/ou dos Reis Magos, esquecendo que o que os seus devanceiros esperaban era a baixada do Apalpador do monte. É unha mágoa que se borre a figura de tan mítico personaxe da historia do noso pobo, polo que non ven de máis facelo nacer de novo, aínda que só sexa en papel e non na imaxinación chea de ilusión dos rapaces e rapazas galegos.
O Apalpador baixaba a  noite do vinte e catro ou do trinta e un de decembro para visitar ós cativos da zona, ós que lles tocaba o ventre para comprobar se comeran ben durante todo o ano, deixándolles logo unha presada de castañas e desexándolles que tiveran un ano novo cheo de felicidade e fartura, murmurándolles “así esteas todo o ano”.
Consérvanse cantigas que os pais e nais cantaban ós seus fillos e fillas o día antes da chegada deste personaxe tradicional, tales como a seguinte, que foi interpretada na actualidade polo grupo Malvela.
 
Vai-te logo meu ninim/nininha,
marcha agora pra caminha.
Que vai vir o Apalpador
a palpar-che a barriguinha.
 ·············
Já chegou o dia grande,
dia do nosso Senhor.
Já chegou o dia grande,
E virá o Apalpador.
·············
Manhã é dia de cachela,
que haverá gram nevarada
e há vir o Apalpador
c´uma mega de castanhas.
·············
Por aquela cemba,
já vem relumbrando
o senhor Apalpador
para dar-vos o aguinaldo



         Por unha vez, aínda que sexa só nun recunchiño do noso corazón, situemos o Apalpador por riba das figuras capitalistas foráneas que no seu día se impuxeron, cambiando unha lonxeva tradición por unha fonte de consumo. 

Ningún comentario:

Publicar un comentario